Арьсны харшил үүсдэг шалтгаан ?

Арьсны харшил нь дархлаа хэт их идэвхжсэн үед үүсдэг. Хүний дархлаа хэт идэвхжихэд харшил үүсэх эсвэл хүний бие өөрөө өөрийнхөө эсрэг дархлааны урвал өрнүүлдэг байна.Хүний дархлааны систем нь харшил үүсгэгчийг биед сөрөг нөлөөгүй байсан ч, сөрөг нөлөөтэй хэмээн үзсэнээр харшил хөдөлдөг. Харшил үүсгэгчийг дархлааны систем илрүүлмэгц арьсан дээр тууралт гарч, амьсгалын зам боогдох, хоол боловсруулах системд асуудал учрах зэрэг өөрчлөлтүүд хүний биед илэрч эхэлнэ.

Харшлын 50 хувь нь удамшлаас , үлдсэн 50 хувь нь амьдралын буруу хэвшил болон гадны нөлөөллөөс үүдэлтэй байдаг. Харшлын шинж тэмдгүүд нь юунаас харшиж байгаагаас шалтгаалан өөр өөр байдлаар илэрдэг бөгөөд харшил хүндэрвэл арьсны өвчин үүсэх магадлал ихэсдэг.

Харшил үүсэхээс хэрхэн сэргийлэх вэ ?

• Хэт их ариун цэвэр сахихгүй байх
• Тамхи татахгүй байх
• Хоол хүнсний бүтээгдэхүүнийг зөв сонгон хэрэглэх
• Гоо сайхны бүтээгдэхүүнийг өөрийн арьсандаа зөв тохируулан сонгох мөн харшилдаг орц найрлагатай бүтээгдэхүүнээс зайлсхийх
• Эмийн зохистой хэрэглээг эрхэмлэх
• Нотолгоонд суурилсан эмчилгээ арчилгааг туршиж хэрэглэх
• Харшлын сорил тавиулах, юунаас харшдаг эсэхээ мэддэг байх
• Харшил хөдөлсөн үед арьсаа зөөлөн бүтэцтэй бүтээгдэхүүнээр арчилж, тайвшруулах, амраах